Nú er lokið Ís-landsmóti á Svínavatni. Það er samdóma álit þeirra sem mótinu komu að vel hafi tekist til, frábær hross, gott skipulag, ísinn góður og veðrið ágætt, en tvennt það síðastnefnda ber þakka æðri máttarvöldum og mega þeir sem eru í góðu sambandi við þau skila bestu kveðjum.

Einnig kærar þakkir til allra þátttakenda, gesta og ekki síst starfsmanna sem allir lögðu til vinnu og ýmiskonar aðstoð endurgjaldslaust.

Myndir frá mótinu eru komnar inn á neisti.net og lettir.is Einnig eru væntanlegar innan tíða vandaðar myndir inn á pedromyndir.is

Til þess að það sé á hreinu þá er stefnt á svipað mót á Svínavatni að ári liðnu um sömu helgi og verið hefur, það er laugardaginn 7. mars og eru þeir sem áhuga hafa minntir á að krossa við á dagatalinu. Einnig er á það bent að “Svellkaldar konur” eru ekki síður velkomnar á Svínavatn en svellkaldir karlar og er vonandi að það mót verði ekki aftur sett á þessa helgi.

Heildar skráningar eru  132 talsins og eru endanlegir ráslistar birtir hér fyrir neðan.

Dagskráin hefst kl. 11 stundvíslega á B-flokk síðan A-flokkur og endað á tölti.

Ísinn er 50-60 cm þykkur, hreinn og sléttur.

 Veðurspáin segir nánast logn og frostlaust á laugardag þannig að það ætti ekki að væsa um menn og hross á vatninu.

Áhugafólk er hvatt til að mæta og sjá fullt af stóglæsilegum hrossum og þar af mikið af háttdæmdum keppnis og kynbótahrossum á þessu sterkasta ísmóti vetrarins.